|
کابل سبا لمر
قندهار سبا لمر
هرات سبا لمر
مزارشريف سبا لمر
غزني سبا د ورښت امكان
جلال آباد سبا ځاى ځاى ورېځ
باميان سبا لمر
زرنج سبا لمر
ميمنه سبا لمر
غوره پروګرامونه
تازه خبر:
- د ننګرهار د تودو سيمو ښوونځيو كلنۍ ازموينه پيل شوه
- ولسي جرګې د زندانونو او توقيف ځايونو د قانون په دوو مادو كې تعديل تصويب كړ
- د غويي د اتمې په مناسبت ٢٨ بنديان خوشي شول
- يمن كې چاودنې ۳۹۶ تنو ته مرګ ژوبله واړوله
- خوست كې د دوقومونو ترمنځ د جګړې له كبله دوه تنه ووژل شول
- د نړيوال اټومي اژانس مشر نن سهار تهران ته ورسېد
د كليد ګروپ
د ننګرهار په درېيو ولسوالۍ كې وارورې خلك له ګڼو ستونزو سره مخ كړي
لیکونکی توريالى همتيكشنبه 16 سلواغه 1390 ساعت 12:09
د ننګرهار په درېيو ولسواليو کې د پرله پسې واورې ورېدنې له امله له دوو ورځو راهيسې د تګ راتګ د ډېرو لارو پر بندېدا سربېره، يو شمېر کورونه نړيدلي او ګڼ ماشومان په ژمنيو ناروغيو اخته شوي دي.
د شېرزادو ولسوال ميرزا محمد نصرت کليد سره خبرو کې وويل، له تېرو دوو ورځو راهيسې پرتې واورې د موټرو د تګ راتګ خڼډ شوي او تر دېرشو ډېر زاړه کورونه د درنو واورو له امله نړېدلي دي.
نصرت، چې خلکو سره يې د بېړنيو مرستو له نشتوالي شکايت كاوه وويل، د واورې او سختو سړو له كبله ګڼ ماشومان هم ناروغان شوي، خو په وينا يې، روغتيايي اسانتياوو ته لاسرسى نه لري.
نوموړي په شېرزادو کې خلکو ته د ورپېښ سخت حالت په يادولو سره وايي، که سيمې ته مرستې ونه رسول شي د ناروغو ماشومانو ژوند به د مرګ له ګواِښ سره مخ شي.
په ورته وخت کې له شېرزادو سره نږدې د ننګرهار د يوې بلې ولسوالۍ حصارک څخه هم د واورې د ورښت له امله خلکو ته بېلابېلې ستونزې راولاړې شوې دي.
د حصارک ولسوال عبدالخالق کليد ته وويل، له تېرو دوو ورځو راهيسې د پرتو واورو له امله د لارو بندښت د خوراکي توکيو د بيو لوړوالي سبب ګرځيدلى.
ولسوال وايي، په هواره ځمکه کې پنځوس سانتي او په غرنيو سيمو کې له متر څخه ډېره واوره ورېدلې، چې له امله یې د ډېر کليو لارې تړل شوې دي.
نوموړي له اړوندو ادارو د مرستي غوښتنه وکړه او پر وینا یې، چې تراوسه هېڅ يوې مرستندويه ادارې د حصارک خلکو سره مرستې نه دي کړي.
په همدي حال کې له خوږياڼو ولسوالۍ څخه هم د سختې واورې د ورېدلو او له امله يې د لارو د بندېدو ريپوټونه ترلاسه شوي.
د خوږياڼو ولسوال محمدحسن کليد سره خبرو کې وويل، چې د وزيرو تنګي او ځينو نورو سيمو لارې واورو تړلي او په سيمه کې ډېر خلک په موسمي ناروغيو اخته شوي دي.
د ويلو ده، چې سږنى ژمى د ننګرهار په ځينو ولسواليو کې په داسې وخت کې د واورو له امله خلکو ته د رامنځته شويو ستونزو خبرورکول کېږي، چې تېرکال د دې ولايت په ډېرى سيمو کې سېلابونو خلکو ته د سر او مال درانه زيانونه اړولي وو.
