|
کابل سبا لمر
قندهار سبا لمر
هرات سبا لمر
مزارشريف سبا لمر
غزني سبا د ورښت امكان
جلال آباد سبا ځاى ځاى ورېځ
باميان سبا لمر
زرنج سبا لمر
ميمنه سبا لمر
غوره پروګرامونه
تازه خبر:
- د ننګرهار د تودو سيمو ښوونځيو كلنۍ ازموينه پيل شوه
- ولسي جرګې د زندانونو او توقيف ځايونو د قانون په دوو مادو كې تعديل تصويب كړ
- د غويي د اتمې په مناسبت ٢٨ بنديان خوشي شول
- يمن كې چاودنې ۳۹۶ تنو ته مرګ ژوبله واړوله
- خوست كې د دوقومونو ترمنځ د جګړې له كبله دوه تنه ووژل شول
- د نړيوال اټومي اژانس مشر نن سهار تهران ته ورسېد
د كليد ګروپ
د ناټو په هوايي بريد كې اته ماشومان ټپيان شول
لیکونکی توريالى همتچهارشنبه 03 کب 1390 ساعت 11:52
د ننګرهار په ښېوې ولسوالۍ کې نن سهار شاخوا نهه بجې بهرنيو ځواکونو پر يوه ښوونځي ډزي کړي، چې له امله يې د يوه ملازم په ګډون ۹ زده کوونکي ټپيان شوي دي.
د ښېوې ولسوال اعجازموند کليد سره خبرو کې وويل، چې پر ښوونځي د بهرنيو ځواکونو هغو دوو چورلکو بريد کړى، چې په وينايې کونړ ته پر لاره وې.
ولسوال زياته كړه، چې يادو ځواکونو پر ښوونځي د درنو وسلو بريدونه کړي، چې له امله یې د ښوونځي اته زده کوونکي او يو ملازم ټپيان شوي دي.
د ده په وينا، پېښه د دې ولسوالۍ په کاشکوټ کې د سربند په نوم د هلکانو يوه ښوونځي کې رامنځته شوې ده.
ولسوال زياته كړه، د بهرنيو ځواکونو له لورې د افغان زده کوونکو د ټپي کېدو مسئله يې له ولايتي ادارې سره شريکه کړې، خو په خبره يې تراوسه يې لا لامل نه دى څرګند.
مومند وايي، د پېښې ټپيان يې د ولسوالۍ روغتون ته لېږدولي او په وينايې ډاکټرانو يې روغتيايي حالت د ډاډ وړ ښودلى.
په ورته وخت کې د بهرنيو ځواکونوپه ډزو د ننګرهار مېشتو زده کوونکو د ټپي کولو پېښه د ولسي جرګي لومړي مرستيال او د ننګرهار د خلکو استازي حاجي عبدالظاهر قدير په کلکو ټکو وغندله او ويې ويل، چې د پېښې جدي پلټنه به وکړي.
بلخوا بيا په ختيځ کې مېشت بهرني ځواکونه دا نه مني، چې ګنې ځواکونو يې پر ښوونځي د هوا له لارې بريد کړى.
د ننګرهار په ښېوې ولسوالۍ کې د بهرنيو ځواکونو له لورې پر زده کوونکو دا بريد په داسې حال کې رامنځته کېږي، چې د امنيتي مسوليتونو د لېږد په دويم پړاو کې د څلور نورو ولسواليو ترڅنګ د دې ولسوالۍ امنيتي مسوليت افغان ځواکونو ته وسپارل شو.
