|
کابل سبا لمر
قندهار سبا لمر
هرات سبا لمر
مزارشريف سبا لمر
غزني سبا د ورښت امكان
جلال آباد سبا ځاى ځاى ورېځ
باميان سبا لمر
زرنج سبا لمر
ميمنه سبا لمر
غوره پروګرامونه
تازه خبر:
- د ننګرهار د تودو سيمو ښوونځيو كلنۍ ازموينه پيل شوه
- ولسي جرګې د زندانونو او توقيف ځايونو د قانون په دوو مادو كې تعديل تصويب كړ
- د غويي د اتمې په مناسبت ٢٨ بنديان خوشي شول
- يمن كې چاودنې ۳۹۶ تنو ته مرګ ژوبله واړوله
- خوست كې د دوقومونو ترمنځ د جګړې له كبله دوه تنه ووژل شول
- د نړيوال اټومي اژانس مشر نن سهار تهران ته ورسېد
د كليد ګروپ
شمال ختیځ کې د ښځو پر وړاندې تاوتریخوالى وغندل شو
لیکونکی همايون وحدتپنجشنبه 13 سلواغه 1390 ساعت 11:40
د کندوز ولایت د بشری حقونو خپلواک کمېسیون او د ښځو چارو ریاست د يوې غونډې په ترڅ كې په خان آباد ولسوالۍ کې د تېرې انۍ پېښه، چې پكې يوه خاوند خپله ښځه د لور د زېږولو په جرم ووژله په كلكو ټكو وغندله.
د کندوز د ښځو چارو ریاست د ښځو پروړاندې د تاوتریخوالي په اړه اندېښنه څرګنده او زیاته كړه، چې كه چېرې دولت دا حالت مهار نکړی، نو د دې امکان لرې نه دی، چې دغه حالت نورهم ورځ تربلې خراب شي.
د بشری حقونو خپلواک کمېسیون رئیس حیات الله امیري وایي، چې دوی په روان کال کې د ښځو د تاوتریخوالي په اړه ۲۴ مورده ثبت کړی، خو وروستۍ پېښه ترټولو بوږنونکې وه.
د بشری حقونو فعالان وایي، چې د یادې قضیې په اړه یې د تاوتریخوالي منع ترسرلیک لاندې کمېسیون ټاکلى، چې په کې د ولایت مقام، امنیه قومندانۍ، د حج او اوقافو ریاست او د ښځو چارو ریاست ګډون لري - دوی به د یادې قضیې په اړه هر اړخیزه پلټنه کوي.
دغه راز د کندوز پولیسو ویاند سیدسرور حسینې وویل، چې دوی د وژل شوې مېرمنې اصلي قاتل د نیولو لپاره جدي هلې ځلې پيل کړي.
بلخوا د کندوز امنیتي چارواکو د وژل شوې مېرمنې د خواښيې د نیولو خبر ورکوي، خو اصلي عامل، چې د ښځې خاوند دی له سیمې څخه په تېښته بریالې شوی دى.
پوليسو د هغه د نيولو په موخه پلټنه پيل كړې، خو لا يې په نيولو نه دي توانېدلي.
دا په داسې حال کې ده، چې د ښځو د حقونو مدافع بنسټونو په دې وروستیو کې په هېواد کې د ښځو پر وړاندې د تاوتریخوالي د کمېدو خبر ورکړی، خو په دې وروستیو کې یو ځل بیا د هېواد په شمال کې د ښځو د تاوتریخوالې پېښو زو اخیستى.
