کليد گروپ
کابل فردا لمر
قندهار فردا لمر
هرات فردا لمر
مزارشريف فردا ځاى ځاى ورېځ
غزني فردا لمر
جلال آباد فردا لمر
باميان فردا لمر
زرنج فردا لمر
ميمنه فردا ځاى ځاى ورېځ
غوره پروګرامونه
تازه خبر:
- د استراليا د بهرنيو چارو وزير استعفا وركړه
- د مبارك د محاكمې وروستۍ غونډه نن په قاهرې كې ترسره كېږي
- ناټو لخوا د قرانكريم سوځولو په اړه د ولسي جرګې غبرګون
- د كندوز اوسېدونكي د پلې شويو پروژ له ټيټ كيفيته سرټكوي
- د ناټو په هوايي بريد كې اته ماشومان ټپيان شول
- جلال اباد كې ۹ لاريون كوونكو ته مرګ ژوبله واوښته
کليد گروپ
افغانستان ته د ډاكټر رشاد حسين راتګ
تهيه شده توسط ابوبكر جبارخېلسه شنبه 09 وږی 1389 ساعت 10:46
اسلامي هېوادونو لپاره د امريكا د جمهور رئيس بارك اوباما ځانګړي استازي هندي الاصله مسلمان ډاكتر رشاد حسين تېره ورځ له مزارشريف څخه لېدنه و كړه.
رشادحسين په مزار كې له والي عطامحمدنور سره په امنيتي، اقتصادي، كلتوري او يو شمېر نورو موضوعاتو هر اړخېزې خبرې وكړې او له نوموړي سره يې د هر راز مرستو ژمنه وكړه.
رشاد حسين د دوشنبې په ورځ كابل كې خبريالانو ته د خپل پروني او ننني سفر د لاسته راوړنو او ليدنو په اړه معلومات وركړل.
نوموړي وويل، چې دى د امريكاد جمهور رئيس اوباما په لارښوونه افغانستان ته د دې لپاره راغلى چې، د اسلامي هېوادونو او د امريكايي مسلمانانو ترمنځ اړيكې لا پياوړې او د سيمې هېوادونو سره په خبرو كې د افغانستان د جګړې لپاره يوه مناسبه لاره ولټول شي، ترڅو روانه جګړه پاى ته ورسيږي.
د سياسي چاروه كارپوه او د ولسي جرګې غړى وحيدمژده وايي، د اسلامي هېوادونو لپاره رشاد حسين د امريكا د جمهور رئيس بارك اوباما ځانګړى استازى دى، خو دى زياتوي، چې په هېواد كې د ترهګرۍ سره د مبارزې لپاره د رشاد حسين راتګ يواځې، يو تبيلغاتي او د امريكايي چارواكو په گټه يو اقدام دى.
سياسي كارپوه جنرال طاقت بيا وايي، چې د امريكا د جمهور رئيس بارك اوباما ځانګړي استازي ډاكتر رشاد حسين راتګ افغانستان او سيمې ته خورا ډېر اهميت لري.
طاقت زياتوي، چې هغه ستونزې، چې د اسلامي هېوادونو او امريكايي مسلمانانو ترمنځ د امريكا د پخواني جمهور رئيس بوش په وخت كې پېداشوې وې هغه به په بشپړه توګه له منځه ولاړې شي.
دده په خبره، دنوموړي استازي په راتګ بايد ټول افغانان خوښ و اوسي او په دې برخه ورسره مرسته او همكاري وكړي.
د يادولو وړ ده، چې د اسلامي هېوادونو لپاره د امريكا د جمهور رئيس بارك اوباما ځانګړى استازى ډاكتر رشاد حسين په ۱۹۷۸ ميلادي كې د امريكا په وايو منګه سيمه كې زيږيدلى دى او له هارورډ پوهنتونه يې په اسلامياتو او حقوقو كې دوكتورا اخيستې او د۲۰۱۰ ميلادي كال لپاره د امريكا د جمهور رئيس بارك اوباما لخواد۵۷ اسلامي هېوادونو د اسلامي كنفرانس لپاره هم نومول شوى دى.
رشاد حسين له دې دندې وړاندې د امريكاد جمهوري رياست اسلامي اوحقوقي سلاكار و او همدا راز يې د نوموړي هېواد په عدليې وزارت كې هم دنده ترسره كړې ده.
